VV De Losböl – Prinsengallerij

0 Comment

C.V. DE LOSBÖL OET LEIVERE (Sinds 1962 in ruste.)

Euver ’t algemein loupe de vereiniginge in Leivere vrieë goot, behalve ein, die nauweliks vanne groondj is gekoome : De Vastelaoves vereiniging “De Losböl”. In 1958 stardje die vereiniging en de minse; ze haaje d’r zin in. As iërste prins woord gekoze Tocht Sef (Sef Arits), en de vorst veur det jaor waas Sjra Kessels (van Scheyvenhof). Ze deeje ’t hiël goot en de Leiverder minse voonje ’t geweldjig.

In 1959 trooj vorst Sjra aaf en woord opgevolgtj door Seuntjes Fried (G. Soentjens) dae dit ambt vervuldje toet 1962. “Het waas ’n zwaor rol” zag Fried ins, “ich most ze allemaol bieëin haoje, stumming bringe, en in eeder kefee ’n paar glaasder beer drinke, zoonger zaat te waere”. Mer auch in 1959 leep ’t naog allemaol vrië aardig en Leivere haaf zelfs ziën eige leedjes; zoë wie ’t volgendje :

En oos Leivere met ziën minse, is ’n dörpke erg gezeen.
Lekker drinke, lekker preuve, veul gelach en dol plezeer.
En ei rundje mièr of minder, bringtj de vrundsjap in de groep.
Efkes later staon ze dan auch bie ’n anger op de stoep.
Ondanks drinke, ondanks preuve, steit de echte Leiverder
Mét ziën Carnavalsleed klaor.

Refrein :

Van Leivere en neet bang,
Zoë is ’t al jaore lang.
We hope det ’t zoë altiëd blieftj.
Van Leivere en neet bang.
En oos Leivere mèt zien maedjes en zien vrouwe leef en fein.
Lekker vrie-en, lekker smoezen, veul gelach en dolle gein.
En ze zweien mèt heur rökskes, wie ’n echte dolle greet.
Jao mer van heur lief dao bliefste aaf, det wille ze toch neet.
Ondanks drinke, ondanks preuve, steit de echte Leiverder Mèt zien Carnavalsleed klaor.

Refrein.

En oos Leivere mèt zien minse is ’n dörpke erg gezeen.
Lekker drinke, lekker preuve, veul gelach en dol plezeer.
Zeen de cente den auch pleite, zeen we allemaol hiël blut.
Nou dan kloppe we bie Miel aan, want dae weit waal wat hae duit.
En hae taptj en sjinktj as echte Leiverder en zingtj daobie Nog oos Carnavalsrefrein.

Refrein.

De prinsen van de Losböl